Վրաստանում հայտնաբերվել է Շովի հանգստավայրի մոտակայքում սողանքի և սելավի հետևանքով մահացած ևս մեկ քաղաքացու դի։
Այս մասին հայտնում է Վրաստանի ՆԳՆ-ն։
Այս պահի դրությամբ, բնաղետի զոհերի թիվը հասել է 12-ի։
Հաղորդվում է, որ որոնողական աշխատանքները շարունակվում են, քանի որ անհայտ կորած է համարվում երկու տասնյակից ավելի մարդ։
Նշվում է, որ այսօր առավոտյան որոնողական աշխատանքներին միացել են նաեւ զինվորականները։
ՆԳՆ-ի տեղեկացմամբ, ընդհանուր առմամբ տարածքում աշխատում է մոտ 400 փրկարար։