Թշնամին լարում է սահմանային իրավիճակը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ինը տարի առաջ` հուլիսի 20-ին, Արցախի Հանրապետության Մարտունու շրջանի Ճարտար համայնքին  քաղաքի կարգավիճակ է տրվել։ Հերոսական բնակավայրը շարունակում է  կանգուն մնալ հերոս զավակների նվիրումի շնորհիվ։

«Արցախպրես»-ի թղթակցի հետ զրույցում Ճարտարի քաղաքապետ Վլադիկ Հովհաննիսյանն ասել է, որ, Արցախի շուրջ ստեղծված իրավիճակով պայմանավորված, օրվա խորհրդով  տոնական միջոցառումներ չեն կազմակերպելու։

«Անկախ բոլոր դժվարություններից ու փորձություններից՝ բնակիչները շարունակում են արարել հայրենի բնակավայրում։ Այս շրջանում ավարտման փուլում են հնձի աշխատանքները։ Վարելահողերի մեծ մասը պատերազմից հետո մնացել է թշնամու տիրապետության տակ։ Եղած դաշտերում  աշխատելն էլ  դժվարացել է, քանի որ թշնամու դիրքերից կրակ են բացում գյուղատնտեսական աշխատանքներ կատարող խաղաղ բնակիչների ուղղությամբ։ Ունենք խաղողի այգիներ, որոնց մի մասը հնարավորության սահմաններում մշակել ենք»,-նշել է Վ. Հովհաննիսյանը։

Оставьте комментарий