Կրասնոդարից ժամանած զբոսաշրջիկի մարմինը մեկ ամիս անց հայտնաբերվել է գետում

Դեպքի վայրից ավելի քան 20 կմ հեռավորության վրա՝ Կամեննոմոստսկի գյուղի մոտ, Բելայա գետի հունում տղամարդու դի է հայտնաբերվել։ Այս մասին հայտնում է ՌԴ Ադիգեայի Հանրապետության Քննչական կոմիտեն։ Կրասնոդարի 28-ամյա բնակիչը հունիսի 18-ին անհետացել է, տղամարդն ընկերների աչքի առաջ ժայռից ցած է նետվել Բելայա գետը. ընկերները չեն կարողացել օգնել խեղդվողին, փոթորկոտ գետը նրան անմիջապես տարել է հոսանքն ի վար։ Տղամարդու մարմինը հայտնաբերվել է գետի հունում՝ ջուրը նետվելու վայրից 20 կմ հեռավորության վրա։ Տեղում աշխատում են Ադիգեայի Քննչական կոմիտեի քննիչները, դիակը կհանձնեն դատաբժշկական փորձագետներին՝ մահվան ստույգ պատճառը պարզելու համար։